Isontina Ambiente

La TARI a Turiac

Cul prin di Zenâr dal 2019 Isontina Ambiente e gjestìs par cont dal Comun di Turiac il Tribût comunâl sui refudums (Tari) cul sisteme de tarife puntuâl (TARIP).

La introduzion di chest gnûf sisteme tarifari e premie i contribuents virtuôs che a diferenziin cun atenzion i propris refudums tignint cont di trop che al ven doprât il servizi di racuelte dal sec residui.

A ogni contribuent i ven dât un bidon cuntun microchip che lu identifiche in maniere univoche e il codiç di chest microchip al ven regjistrât dai operadôrs assegnâts ae racuelte ogni volte che a disvuedin il bidon.

A ogni contribuent, ancje se no risultin conferiments o se nol ven ritirât il bidon - tant che forme di dissuasion cuintri di compuartaments no virtuôs di abandon dai refudums - i ven metût in cont ogni an un numar minim di conferiments, coerent cu lis abitudins di consum e su la fonde dal numar di components de famee.

Al è obleât a paiâ il tribût cui che al à, a cualsisei titul ancje di fat, locâi e areis scuviertis logâts intal teritori comunâl, destinâts a cualsisei ûs, che a puedin produsi refudums.

Lis utencis no domestichis (UND) tal 2018 a continuaran a paiâ la TARI daûr dal sisteme normalizât previodût dal DPR 158/99.

Modalitât di presentazion

  • Li dal Sportel:
    • Gardiscje - Vie della Campagnola, 1, orari: martars des 9.00 aes 12.30 - lunis e joibe des 14.30 aes 16.30
    • Gurize - vie Mazzini, 4c, orari: lunis e vinars des 9.00 aes 12.30 - martars e joibe des 14.30 aes 16.30
    • Roncjis di Monfalcon - Vie Cau de Mezo, 18, orari: joibe des 9.00 aes 12.30 - lunis e miercus des 14.30 aes 16.30

MODUI (di scjariâ)

Modalitât di calcul

La dissipline pe aplicazion dal gnûf tribût e je normade dal regolament de tasse sui refudums (IUC - part Tari), fat bon dal Consei comunâl n. delibare n° 20 dai 14/07/2014, che si pues cjatâ tal sît dal Comun di Turiac.

La tarife e je determinade dal comun di Turiac cun delibare dal Consei Comunâl.

Cuant che si paie

Il Comun di Turiac al à previodût, par chest an, il paiament de Tari intune soluzion uniche o a ratis cun datis di scjadince che a saran indicadis te bolete.

E je ancje previodude une emission di diference par situazions particolârs (cessazions, sucessions, gnovis utencis seguitivis ae emission des boletis e v.i.)

Dulà e cemût che si paie

L’avîs si pues paiâ dome cul model F24 in ducj i uficis postâi, i sportei bancjaris, par mieç dai servizis di home banking (internet) e li dai tabacârs che a fasin part dal circuit bancjari ITB. Cheste modalitât, deventade obligatorie pal paiament di impuestis e tassis, no previôt spesis pal contribuent e e permet di compensâ daurman eventuâi credits di impueste che a derivin de declarazion dai redits 2017 presentade (mod. 730/2017 o mod. redits 2017).

TARIFIS

Tarife anuâl

La tarife pes utencis domestichis e je proporzionâl cu la superficie e cul numar dai ocupants. Pai residents a Turiac si ten cont dai dâts de anagrafe comunâl.

La tarife pes utencis no domestichis e je proporzionâl cu la superficie e cu la tipologjie di ativitât davuelte
I impuarts des tarifis anuâls a son disponibii tal sît dal Comun che al proviôt ae lôr publicazion dopo di vêju definîts.

Tarife zornaliere

La tarife zornaliere e je aplicade aes utencis che a ocupin, cun o cence autorizazion, in maniere temporanie (*) locâi o areis publichis, di ûs public o areis cun servitûts di passaç public. E ven calcolade sui metris cuadris di superficie ocupade, pes zornadis di ocupazion, e e je determinade su la fonde de tarife anuâl dal tribût, rapuartade a zornade, maiorade di un impuart percentuâl dal 100%.

 

(*) Par ocupazion temporanie si intint l'ûs par mancul di 183 dîs dilunc dal an, ancje se no continuatîfs.

Normative di riferiment

Regolament pe dissipline de tasse sui refudums (IUC – part Tari) fat bon cun delibare dal Consei Comunâl n. 20/2014 e modifichis seguitivis, e Leç n. 147 art. 1 come 639 e seguitîfs dai 27 di Dicembar dal 2013.

Par informazions

  • Gardiscje - Vie della Campagnola, 1, orari: martars des 9.00 aes 12.30 - lunis e joibe des 14.30 aes 16.30
  • Gurize - vie Mazzini, 4c, orari: lunis e vinars des 9.00 aes 12.30 - martars e joibe des 14.30 aes 16.30
  • Roncjis di Monfalcon - Vie Cau de Mezo, 18, orari: joibe des 9.00 aes 12.30 - lunis e miercus des 14.30 aes 16.30

 

CALL CENTER numar vert gratuit 800844344 (atîf di lunis a vinars des 8.00 aes 20.00, sabide des 8.00 aes 13.00)

EMAIL segreteria@isontinambiente.it

FAX 0481 – 770633

 

RACUELTE PUNTUÂL – CEMÛT CHE E FUNZIONE