Il centri dal riûs

• Oggetti disponibili da Robononis

ROBONONIS al è il Centri dal Riûs che il comun di Romans dal Lusinç e Isontina Ambiente a àn progjetât par racuei ducj chei ogjets che, butâts vie di cualchidun, a podaressin vê une gnove vite par altris.

Viôt i ogjets disponibii

L’obietîf di ROBONONIS al è chel di contribuî a modificâ lis usancis dai citadins fasintju svicinâ, cuntun sisteme pratic e inteligjent, ae culture dal riûs di ogjets che a vegnin eliminâts cundut che a son ancjemò in buinis cundizions e che si puedin ancjemò doprâ.

Un strument di solidarietât, un progjet cun valôr sociâl che al met dongje amôr pal ambient e pal prossim.

CEMÛT CHE E FUNZIONE LA CONSEGNE

Il Centri dal Riûs di Romans dal Lusinç al ritire, dopo che il personâl ju à valutâts, materiâi doprâts ma ancjemò in buinis cundizions che, butâts vie di cualchidun, a puedin coventâ ancjemò a cualchidun altri.

Tal moment de acetazion, il materiâl al ven regjistrât e valorizât cuntun sisteme a ponts daûr des tabelis previodudis dal regolament dal Centri dal Riûs.

Il materiâl al ven consegnât al Centri dal Riûs a titul gratuit.

Il materiâl al reste te struture dal Centri dal Riûs par un periodi massim predefinît; passât chel timp, al ven trasferît tal Centri di Racuelte di Romans dal Lusinç.

Pal moment il Centri dal Riûs al ritire dome i materiâi dai citadins iscrits in maniere regolâr ae TARI dai comuns di: Romans dal Lusinç, Vilès, Migjee, Segrât.

CEMÛT CHE AL FUNZIONE IL RITÎR

Tal Centri dal Riûs di Romans dal Lusinç a puedin ritirâ une o plui robis ducj i citadins, di là dal Comun dulà che a son a stâ.

Ogni citadin al pues ritirâ un numar di ogjets par un numar di ponts massim, definît dal gjestôr dal Centri dal Riûs.

I ponts dal materiâl in jessude a son gjestîts di un software di pueste che, par ogni citadin, al memorize dutis lis transazions: une volte rivâts al numar di ponts mensîi, nol è plui pussibil ritirâ nuie fin al mês dopo.

La movimentazion dai materiâi in jentrade e in jessude dal Centri e je par cure di cui che al consegne e di cui che al ritire.

Il Centri dal Riûs no si cjape nissune responsabilitât in cont dal funzionament dai materiâi.

L’acès al Centri dal Riûs nol è permetût ai comerciants e ai operadôrs economics atîfs tal setôr de robe doprade.

PAR PODÊ GJOLDI DAI SERVIZIS DAL CENTRI DAL RIÛS E JE OBLIGATORIE LA REGJISTRAZION, GRATUITE PAR DUCJ.

DULÀ CHE O SIN E CUANT CHE TU PUEDIS PASSÂ CA DI NÔ

ROBONONIS al à sede a Romans dal Lusinç in vie Pedret 5 dentri dal centri di racuelte.

Il centri dal riûs al è viert il martars e la sabide des 9 aes 12 pe consegne e la joibe des 8.30 aes 12.30 pal ritîr.

CE CHE TU PUEDIS PUARTÂNUS E CE INVEZIT NO

 

Volantin Centri dal Riûs