Notis legâls / Condizions pal ûs

Pe regjistrazion e pe pussibilitât consecuente di doprâ i servizis ufierts sul sît di ISONTINA AMBIENTE al è necessari che l'utent al aceti chestis Cundizions gjenerâls pal ûs dal sît e che al furnissi il so consens pal tratament dai siei dâts personâi dopo di vê cjapât vision de informative daûr dal D.Lgjs 196/2003.

CUNDIZIONS GJENERÂLS PAL ÛS DAL SÎT

1.    Proprietât, Contignût dal Sît, Copyright e Marchis Regjistradis
Il sît e ducj i siei contignûts, tant che marchis, simbul, iconis, tescj, e v.i., a son di proprietât esclusive di ISONTINA AMBIENTE, (di chi indevant "Societât") o dai tierçs che a furnissin servizis ae Societât. Chescj a son protets des leçs talianis e internazionâls sul dirit di autôr. Il program doprât intal sît al è di proprietât de societât e al è protet des leçs internazionâls sul dirit di autôr. Il sît di ISONTINA AMBIENTE e ducj i siei contignûts no si puedin riprodusi, distribuî, vendi, trasferî o cambiâ nancje in maniere parziâl. ISONTINA AMBIENTE e i nons di prodots, servizis, grafics e simbul di ISONTINA AMBIENTE a son marchis regjistradis de Societât. Altris prodots, servizis, nons di societât citâts a podaressin jessi marchis regjistradis dai lôr proprietaris. Il sît di ISONTINA AMBIENTE al podarès vê dentri leams a sîts no gjestîts de Societât, che a son furnîts tant che sempliç riferiment e che pal lôr contignût la Societât no pues jessi ritignude responsabile. La Societât no furnìs nissune garanzie e e decline cualsisei responsabilitât in relazion a chescj leams. Intal câs che l'utent al decidi di consultâju lu fâs a so propri pericul.

2. Ûs dal sît Isambiente
Il sît di ISONTINA AMBIENTE no si pues doprâ in nissune maniere par mandâ materiâl pornografic, o che in ogni câs al pues ofindi il sens dal pudôr comun o, plui in gjenerâl, par finalitâts ilecitis. Al è improibît riprodusi, modificâ, duplicâ, copiâ, distribuî, vendi o in ogni câs sfrutâ il sît par finalitâts comerciâls. E je ametude la pussibilitât di discjamâ o di stampâ une copie dai materiâi contignûts intal sît par ûs personâl e par fins no speculatîfs. L'ûs no autorizât dal sît e dal so materiâl al costituìs une violazion des leçs aplicabilis su la proprietât inteletuâl. L'utent si impegne a conservâ dutis lis indicazions su lis marchis e sul dirit di autôr contignudis sui materiâi discjamâts o copiâts. L'ûs di chescj materiâi su cualsisei altri sît web al è improibît.

3. Etât e responsabilitât dal utent
L'utent al à di jessi maiôr di etât e dotât de capacitât di agjî, necessarie par doprâ chest sît acetant chestis Cundizions Gjenerâls e par cjapâsi sù ogni eventuâl responsabilitât che e derive dal ûs dal sît. L'utent che si regjistre al è obleât a indicâ dome i siei dâts personâi e a garantî che a sedin vêrs, juscj e inzornâts. L'utent al cjape at di jessi responsabil par cualsisei ûs dal sît di bande sô o di cui che al dopre i siei dâts personâi.

4. Esclusion di garanzie
Il sît di ISONTINA AMBIENTE al è furnît de Societât "cussì cemût che al è". La Societât e i siei furnidôrs no dan nissune garanzie su la operativitât dal sît, la precision, la completece, la afidabilitât des informazions, dai materiâi e dai prodots achì contignûts. Daûr di chel che a permetin lis leçs aplicabilis, la Societât no da nissune garanzie, implicite o esplicite, di comerciabilitât e di idoneitât par une finalitât particolâr.

5. Limitazion di responsabilitât
La Societât no sarà responsabile pai dams di cualsisei gjenar che a derivin dal ûs dal sît, cjapâts dentri i dams direts, indirets, incidentâls e consecuenziâls.

6. Leç regoladore
A chestis cundizions gjenerâls ur ven aplicade la leç taliane.

7. Modifichis aes cundizions gjenerâls
La Societât si risierve il dirit di cambiâ il sît, adun cun chestis Cundizions Gjenerâls, in cualsisei moment. E vignarà dade comunicazion des modificazions intal sît di ISONTINA AMBIENTE, e, simpri restant il dirit di recès dal utent, chest al larà indevant a doprâ il sît daûr de version modificade des Cundizions Gjenerâls.

8. Altris cundizions
Altris tiermins e cundizions diviers di chescj si podaran aplicâ ae vendite di bens e di servizis o al ûs di altris parts dal sît: l'utent al declare za di cumò di conformâsi a chescj altris tiermins e cundizions