Umit

Il refudum umit al cjape dentri ducj i materiâi organics, in particolâr ce che al reste des preparazions alimentârs e i vanzums dal mangjâ.

Pal lôr smaltiment si à di doprâ i sacuts in mater-bi, un prodot dal dut biodegradabil gjavât fûr de blave. La dotazion anuâl di sacuts in mater-bi e ven dade une volte ad an li dal domicili dal utent: cui che al finìs i siei sacuts al pues comprâju intes buteghis convenzionadis.

Par un conferiment plui igjienic, in plui dal sacut a vegnin furnîts un seglotut di tignî in cjase sot dal seglâr e un contignidôr maron di meti fûr di cjase pal ritîr cul contignût di plui dîs. Il refudum umit si à di metilu fûr su la strade tal contignidôr di 25 litris e no tal seglotut di 7 (e ancjemò di mancul siolt). I edificis cun almancul 6 unitâts che a àn spazi interni suficient a puedin domandâ al numar vert aziendâl 800.844.344 il bidon condominiâl maron (cu lis ruedis).

A Monfalcon al è VASCO

I citadins di Monfalcon che a àn dificoltât a usufruî dal sisteme di racuelte "puarte par puarte" a puedin puartâ cjarte e carton, imbalaçs di plastiche e latinis, umit e refudum sec residui a VASCO, il contignidôr mobil di supuart ae racuelte che si ferme a rotazion in 8 ponts de citât.

Lis fermadis e i oraris dulà che si ferme VASCO a son chescj:

LUNIS, MIERCUS e JOIBE

Plaçâl Tommaseo	15.00-18.00
Parcament Vie Valentinis/Tonzar	18.30-21.00
Vie Rosselli-int. Domo	15.30-19.00
Vie Don Fanin	19.30-21.30

MARTARS, VINARS e SABIDE

Vie Napoli-Panzano	15.30-19.00
Vie Giarette-Marina Julia	19.30-20.30
Parcament Vie Aquileia	17.00-18.00
Vie Cividini	15.00-16.30
Parcament I Maggio Pocar	18.30-21.00

REFUDUM UMIT a GRAU

Intal comun di Grau il refudum umit produsût des utencis domestichis (fameis) al va conferît intai contignidôrs stradâi di colôr maron.

Lis ativitâts comerciâls dal comun di Grau a àn a disposizion un bidon cu lis ruedis di colôr maron che al ven disvuedât cul sisteme “puarte par puarte” cun chestis modalitâts:

dal 16/9 al 30/4	Lunis, Miercus e Sabide
dall'1/5 al 31/5	Lunis, Miercus, Sabide e Domenie
dall'1/6 al 15/9	Lunis, Miercus, Vinars, Sabide e Domenie

REFUDUM UMIT a DUIN, MONRUPIN e SGONIC – ZGONIK

Intai comuns di Duin, Monrupin e Sgonic – Zgonik il refudum umit al va conferît intai contignidôrs stradâi di colôr maron.

Par facilitâ il conferiment di chest gjenar impuartant di refudums dutis lis utencis a àn a disposizion un contignidôr di 7 litris di colôr maron di meti par esempli sot dal seglâr; cun di plui a ducj ur vegnin dâts ogni an 120 sacuts di mater-bi che al protêç lis parts internis dal contignidôr.

Lis aziendis comerciâls di chescj 3 comuns, che pe nature de proprie ativitât a produsin grandis cuantitâts di refudum umit, a puedin domandâ al numar vert gratuit 800844344 un bidon cu lis ruedis di colôr maron che al ven disvuedât cul sisteme “puarte par puarte”.

Il refudum umit cjapât sù di Isontina Ambiente al ven po dopo puartât tal implant di compostazion di Morâr dulà che, dopo lavorazions di pueste, al devente compost di cualitât.