Cjarte e carton

Inte cjarte e intal carton o pues butâ dutis lis tipologjiis di cjarte gjavade la cjarte stagnole e chê vueleade, gjornâi e rivistis, scjatulis, scjatulons, borsis, puarte ûfs e sfueis di cjarte (miôr se scrits di dutis dôs lis bandis…).

La cjarte e il carton si à di metiju dentri di sacs di cjarte, o di altris scjatulons e, intal câs di gjornâi e cuotidians, al è miôr leâju a strent par che no ju puarti vie l’aiar che des nestris bandis dal sigûr nol mancje: no si à mai di conferîju dentri di contignidôrs di plastiche parcè che se no si messedaressin cjarte e plastiche.

Se tu sês a stâ a Monfalcon, Romans dal Lusinç, Cormons, Starançan, Gardiscje, Fare, Migjee, Mosse, San Ganzian, Caprive, Dolegne dal Cuei, S. Lurinç Lisuntin, Morâr, Turiac, Dobardò, San Pieri dal Tiritori, Savogne dal Lusinç, Roncjis di Monfalcon (aree F), San Florean dal Cuei e Vilès par conferî la cjarte e il carton tu puedis doprâ i contignidôrs blancs che ti dan i uficis comunâi intal moment che tu fasis la iscrizion. Se un contignidôr no ti baste, met in bande di chel in maniere ordenade il rest de cjarte che tu vuelis conferî magari doprant un scjatulon.

I condominis plui grancj che a àn un spazi interni a puedin domandâ al numar vert aziendâl 800844344 di vê un scovaçon.

Par cognossi in ce zornade che o vignìn a ritirâ la cjarte e il carton controle il calendari de racuelte valit pe tô aree di residence.

Lis isulis ecologjichis di Gurize

Se tu sês un utent privât che al vîf a Gurize tu puedis sielzi di puartâ di bessôl cjarte e carton intune des isulis ecologjichis. Metint il codiç fiscâl intal program di regjistrazion fat di pueste ogni to conferiment di cjarte e carton al sarà memorizât; ae fin dal an ti vignarà ricognossût un scont su la bolete dai refudums proporzionâl ai chilos di cjarte e carton che tu varâs smaltît cun chest sisteme.

A Monfalcon al è VASCO

I citadins di Monfalcon che a àn dificoltât tal usufruî dal sisteme di racuelte "puarte par puarte" a puedin puartâ cjarte e carton, imbalaçs in plastiche e latinis, umit e refudum sec residui a VASCO, il contignidôr mobil di supuart ae racuelte che si ferme a rotazion in 8 ponts de citât.

Lis fermadis e i oraris dulà che si ferme VASCO a son chescj:

LUNIS, MIERCUS e JOIBE

Plaçâl Tommaseo	15.00-18.00
Parcament Vie Valentinis/Tonzar	18.30-21.00
Vie Rosselli-int. Domo	15.30-19.00
Vie Don Fanin	19.30-21.30

MARTARS, VINARS e SABIDE

Vie Napoli-Panzano	15.30-19.00
Vie Giarette-Marina Julia	19.30-20.30
Parcament Vie Aquileia	17.00-18.00
Vie Cividini	15.00-16.30
Parcament I Maggio Pocar	18.30-21.00

CJARTE E CARTON pes aziendis

In cualchi comun de provincie, su domande des aministrazions comunâls, al è stât organizât a pro des aziendis un servizi di racuelte integrative dal carton.

Lis aziendis che a àn bisugne di chest servizi a àn di domandâlu al numar vert aziendâl 800.844.344

Comun	Zornade di racuelte cjarte e carton
Gurize	Domande al numar vert 800.844.344 cuale che e je la tô zornade di racuelte
Monfalcon	Martars e Vinars
Roncjis di Monfalcon	Miercus
Grau	Martars, Joibe e Sabide

                                                       

I regolaments dai comuns a sclarissin aes aziendis trope cjarte che a puedin smaltî intun an doprant il servizi di racuelte urbane.

Pe racuelte di grandis cuantitâts in plui si à di indreçâsi aes aziendis privadis specializadis.

CJARTE e CARTON a GRAU, DUIN, MONRUPIN e SGONIC – ZGONIK

Intai comuns di Grau, Duin, Monrupin e Sgonic – Zgonik la cjarte e il carton produsûts des fameis a van butâts intai contignidôrs stradâi di pueste di colôr blanc.

Lis ativitâts comerciâls ativis a Duin e intal centri storic dal comun di Grau a usufruissin, invezit, dal servizi di racuelte puarte par puarte. Cjarte e carton si à di conferîju in sacs di cjarte o scjatulons di carton, impen gjornâi e cuotidians si à di leâju tra di lôr.

La cjarte e il carton cjapâts sù di ISA a son po dopo mandâts tal implant di selezion di Morâr.