Imbalaçs di plastiche e latinis

Isontina Ambiente e cjape sù i imbalaçs di plastiche insiemi cu lis latinis; il materiâl al ven mandât al implant di selezion di Morâr dulà che si lu separe e po si lu spedìs ai implants specifics pe trasformazion.

I imbalaçs di plastiche a cjapin dentri dutis lis butiliutis e i bocins che a contegnin prodots pe igjiene personâl e dutis lis bevandis. Ancje i contignidôrs di polistirûl (par esempli la vascjute dal gjelât) a jentrin inte stesse categorie cussì come i plats e lis tacis di plastiche (ma chest al sucêt dome dal mês di Avrîl dal 2012).

Intai comuns là che al è in vore il “puarte par puarte” i imbalaçs di plastiche a vegnin cjapâts sù in sacs translucits che a puedin jessi comprâts intai ponts di vendite convenzionâts.

I condominis là che a vivin almancul 14 fameis e che a àn spazi dentri de proprietât privade a puedin fâ domande al numar vert aziendâl di un scovaçon di poie di meti fûr su la strade publiche la sere prime de zornade de racuelte (viôt il calendari).

Lis isulis ecologjichis di Gurize

Se tu sês un utent privât che al vîf a Gurize tu puedis sielzi di puartâ di bessôl i imbalaçs di plastiche e lis latinis intune des isulis ecologjichis. Metint il codiç fiscâl intal program di regjistrazion fat di pueste ogni to conferiment al sarà memorizât; ae fin dal an ti vignarà ricognossût un scont su la bolete dai refudums proporzionâl ai chilos di imbalaçs di plastiche e di latinis che tu varâs smaltît cun chest sisteme.

A Monfalcon al è VASCO

I citadins di Monfalcon che a àn dificoltât tal usufruî dal sisteme di racuelte "puarte par puarte" a puedin puartâ cjarte e carton, imbalaçs in plastiche e latinis, umit e refudum sec residui a VASCO, il contignidôr mobil di supuart ae racuelte che che si ferme a rotazion in 8 ponts de citât.

Lis fermadis e i oraris dulà che si ferme VASCO a son chescj:

LUNIS, MIERCUS e JOIBE

Plaçâl Tommaseo	15.00-18.00
Parcament Vie Valentinis/Tonzar	18.30-21.00
Vie Rosselli-int. Domo	15.30-19.00
Vie Don Fanin	19.30-21.30

MARTARS, VINARS e SABIDE

Vie Napoli-Panzano	15.30-19.00
Vie Giarette-Marina Julia	19.30-20.30
Parcament Vie Aquileia	17.00-18.00
Vie Cividini	15.00-16.30
Parcament I Maggio Pocar	18.30-21.00

MATERIÂI PLASTICS DI IMBALADURE pes AZIENDIS

A Monfalcon al esist un servizi dedicât aes aziendis comerciâls pe racuelte di peliculis e curdelis plastichis par imbalâ, garantît su prenotazion al numar vert aziendâl gratuit 800.844.344

IMBALAÇS di PLASTICHE e LATINIS a GRAU, DUIN, MONRUPIN e SGONIC – ZGONIK

Intai comuns di Grau, Duin, Monrupin e Sgonic – Zgonik lis utencis a àn di conferî i imbalaçs di plastiche e lis latinis intai contignidôrs stradâi di pueste di colôr zâl e a puedin meti lis cassetis di plastiche in bande dal scovaçon.